ბიზნეს ცენტრში მომუშავე თანამშრომლებს საშუალება აქვთ შენობიდან გაუსვლელად ისარგებლონ განსხვავებული სერვისებით. კომპლექსი აერთიანებს რესტორნებს, ველნეს ცენტრს, საკონფერენციო დარბაზს, შეხვედრების ოთახებს და სავაჭრო ცენტრს. ერთ შენობაში განლაგებული განსხვავებული სივრცეები დამატებით კომფორტს უქმნის დასაქმებულებს.

აქსის თაუერსი გამოირჩევა უნიკალური არქიტექტურით. ორივე კოშკი, მათ შორის ოფისების სივრცე არის ნათელი და ვიტრაჟული. ოფისედაბიდან იშლება ხედები თბილისის ცენტრალურ უბნებზე.

ბიზნეს ცენტრს ემსახურება კონსიერჟი და 24 საათიანი დაცვა. ისევე როგორც კომპლექსის ყველა სივრცე, ბიზნეს ცენტრიც სრულად აღჭურვილია გათბობა-გაგრილების, სახანძრო და უსაფრთხოების თანამედროვე სისტემებით. ცენტრი უზრუნველყოფილია გარე ფასადისა და შიდა სივრცეების დასუფთავების სერვისით. შავი კოშკის 0 სართულზე 700 კვ.მ-ზე მოწყობილია ბიზნეს ლობი. ეს არის საერთო სივრცე, სადაც ცენტრში არსებული ოფისების თანამშრომლებს საშუალება აქვთ იმუშაონ ან გამართონ შეხვედრები სასიამოვნო გარემოში.

ბიზნეს ცენტრში განთავსებული ოფისების თანამშრომლებს შესაძლებლობა აქვთ ისარგებლონ სპეციალური შეთავაზებებით კომპლექსის რესტორნებში, ველნეს ცენტრში, სასტუმროსა და სავაჭრო ცენტრში.

აქსის თაუერსი მდებარეობს თბილისის ცენტრალურ უბანში, განახლებულ ჭავჭავაძის გამზირზე. აქსის თუაერსის პროექტმა ხელი შეუწყო მიმდებარე ტერიტორია გამხდარიყო ახალი ბიზნესუბანი.

აქსის თაუერსის ბიზნეს ცენტრის მოიჯარე თავად ირჩევს ოფისის სასურველ დაგეგმარებას. ეს საშუალებას იძლევა დამკვეთის საჭირობებზე მაქსიმალურად მორგებული ოფისი შეიქმნას.